Hildegunn Moltubakk er ei strikkeglad husmor med mykje kortsiktig kredittgjeld, tre vaksne barn, seks barnebarn, to kattar og ein eksmann å ta seg av. Sistnemnde har flytta i campingvogn og treng framleis hjelp til klesvask minst ein gong i veka. Den yngste sonen, Hans-Robert, bur i ein av dei to hyblane i kjellaren hennar, og han har ifølge Hildegunn eit vinnande vesen, trass i at han ikkje er så motivert til verken å utdanne seg eller søke jobb for tida. I den andre hybelen bur Leif-Per, som reint teknisk sett er Hildegunn sin ekssvoger, og altså bror til hennar fråseparerte ektemann, Per-Leif. Jada, Per-Leif og Leif-Per er brødre. Og på mandagskveldane bruker Hildegunn & Leif-Per å ha djupe samtalar om grunne ting. Nyt! ;) See acast.com/privacy for privacy and opt-out information.